ជីវិតដ៏សាមញ្ញ

 

 

 

ជីវិតដ៏សាមញ្ញ
១/ លះបង់ការប្រៀបធៀប: មិនចាំបាច់ប្រើប្រាស់របស់ទំនើបដើម្បីបង្អួតគេ មិនចាំបាច់រៀបឬកសម្ដែងធ្វើជាមនុស្សបែបនេះឬមនុស្សបែបនោះ និយាយឱ្យខ្លីគឺថាបើចូលចិត្តអ្វីស្រឡាញ់អ្វីត្រូវការអ្វីគឺធ្វើហ្នឹង ឳ្យតែមិនខុសច្បាប់ ។ នោះគឺជាជីវិតដ៏ពិតប្រាកដ មិនមែនជាជីវិតបែបក្លែងបន្លំ ឬថតចម្លង ។

២/ គ្មានការប្រកួតប្រជែង: គ្រាន់តែធ្វើអ្វីទីតាមការគួរ តាមសមត្ថភាព និងលទ្ធភាព មិនចាំបាច់ទៅប្រកួតជាមួយនឹងនរណា យកពានរង្វាន់ទេ

៣/ ធ្វើអ្វីតាមតម្រូវការ: យើងរកតែរបស់ណាដែលយើងត្រូវការប្រើប្រាស់សម្រាប់ជីវិតផ្ទាល់ខ្លួន ឧទាហរណ៍ថាបើយើងស្រេកទឹក យើងទិញទឹកហូប បើយើងឃ្លានបាយ យើងហូបបាយ មិនមែនហូបដើម្បីបង្អួតគេថាមានលុយហូបរបស់ថ្លៃនោះទេ។

៤/ សច្ចៈទៀងត្រង់: អ្វីខុសថាខុស អ្វីត្រូវថាត្រូវ មិនចំពោះគេជានរណាក៏ដោយ បើអាចថាបានយើងថា បើថាមិនបាន យើងលាក់ទុកក្នុងចិត្ត ក៏ប៉ុន្តែមិនត្រូវធ្វើខុសតាមគេ រស់នៅជាមួយនឹងការពិត ភាពពិតរបស់ខ្លួនឯង។
៥/ តម្លៃជីវិត: ជិវិតមានតម្លៃស្ថិតលើគុណធម៌ គឺជាទង្វើដែលមនុស្សម្នាក់ៗបានធ្វើដើម្បីមនុស្សដទៃ ដើម្បីសង្គម ឬជាតិមួយ មិនមែនគ្រាន់តែជាទ្រព្យដែលមនុស្សមាននោះទេ។

៦/ សុភាវធម៌ : ការផ្តល់ឱ្យនរណាម្នាក់មិនចាំបាច់ទាល់តែមានរបស់ឱ្យគេនោះទេ ត្រឹមតែជាកាយវិការពាក្យសម្ដីទន់ភ្លន់ ស្នាមញញឹមក៏ជាទានដ៏ប្រសើរសម្រាប់មនុស្សជុំវិញ ។

៧/ សោភណ្ឌភាព: រស់នៅជាមួយនឹងភាពស្រល់ត្រកាលនៃធម្មជាតិ អនាម័យ រៀបចំទីកន្លែងស្នាក់នៅឱ្យស្អាតបាត ប្រៀបដូចជារស់នៅក្នុងសួនឧទ្យាន។