បច្ចេកទេសរក្សាមែកផ្សាំនៃដំណាំឱ្យដុះ១០០%
ដំណាំដែលផ្សាំដុះហើយ នៅពេលដែលយើងកាត់វាយកមកដាំ វាច្រើនតែដុះខ្លះ មិនដុះខ្លះ តែសម្រាប់បច្ចេកទេសមួយនេះ គឺជួយឱ្យដំណាំដែលផ្សាំដុះឬសហើយ ទោះបីវាទើបតែដុះឬស ប៉ុនម្ជុលតែ១ឬស ក៏វានឹងមិនងាប់ដែរ ។ នៅពេលកាត់មែកដំណាំផ្សាំចេញពីដើមមក វាប្រៀបបាននឹងទារកដែលទើបនឹងកើត មិនរឹងមាំ ងាយនឹងងាប់ ដូច្នេះគួរកាត់មែក និងកាត់ស្លឹកចេញខ្លះ (រក្សាប្រហែល ៣០%) ដាក់ត្រាំទឹកស្អាតត្រង់កន្លែងផ្សាំដើម្បីផ្សើមស្រកីដូងផ្សាំ ១០-១៥នាទី រួចយកវាទៅច្រកថង់ផ្លាស្ទិច ចងមាត់ថង់ឱ្យជិត ហើយដាក់នៅក្នុងម្លប់ រហូតដល់យើងឃើញថាដំណាំបានដុះឬសច្រើនគ្រប់គ្រាន់ និងលាស់ស្លឹកថ្មីមក ទើបយើងគួរយកវាទៅបណ្ដុះក្នុងថង់បណ្ដុះ ឬដាំយកតែម្ដងក៏បាន។
