អ្វីៗផ្ដើមចេញពីខ្លួនឯង

 អ្វីៗផ្ដើមចេញពីខ្លួនឯង

 

បើត្រឹមតែចិត្តខ្លួនឯងគ្រប់គ្រងមិនបាន តើទៅសង្ឃឹមអ្វី?
ចិត្តខ្លួនឯង ហេតុអ្វីថាគ្រប់គ្រងមិនបាន? ដូច្នេះមានន័យថា វាមិនមែនជារបស់អ្នកទេ! រឿងដំបូងដែលត្រូវធ្វើគឺព្យាយាមយកឈ្នះលើខ្លួនឯងសិន ។ មនុស្សជាច្រើនតែងព្យាយាមយកឈ្នះអ្នកដទៃ ទាំងដែលមិនអាចយកឈ្នះលើចិត្តខ្លួនឯងផង ។ មនុស្សជាច្រើនតែងព្យាយាមស្គាល់អ្នកដទៃ ចង់ដឹងរឿងអ្នកដទៃ តែមិនស្គាល់ខ្លួនឯង ។ នៅពេលដែលអ្នកស្គាល់ខ្លួនឯង ហើយអាចយកឈ្នះខ្លួនឯង អ្នកក៏អាចគ្រប់គ្រងលើអារម្មណ៍ ជាសុខឬទុក្ខ ភាពស្មុគស្មាញ តប់ប្រមល់ទាំងឡាយ មិនមានអ្វីដែលហៅថា ជំងឺ Depression , ឬ Stress អីនោះទេ ហើយវាជាអារម្មណ៍ដ៏មានសេរីភាពម្យ៉ាង ដែលអ្នកនឹងមិនស្ថិតនៅក្រោមគំនាបសំពាធនៃមជ្ឈដ្ឋានខាងក្រៅ មានដូចជាមនុស្ស ស្ថានភាពសង្គម សូរសំឡេង រឿងរ៉ាវផ្សេងៗ។ អ្នកក៏អាច ដឹកនាំជីវិតរបស់អ្នក គឺអ្នកអាចទទួលបាននូវចង្កូតនៃជីវិតរបស់អ្នកនៅលើដៃរបស់អ្នក ។ វាសនាគឺការកសាង វាសនាគឺនៅលើដៃនៃមនុស្សម្នាក់ៗ ចូរកុំប្រគល់វាទៅរបស់ដែលអ្នកមើលមិនឃើញជាអ្នកគ្រប់គ្រងវា ។