មាគ៌ាជីវិត

ក្ដីសង្ឃឹម

ក្ដីសង្ឃឹមគ្រាន់តែជាជម្រើសមួយ ហេតុអ្វីមួយមួយចំនួន គ្មានសង្ឃឹម? ក្ដីសង្ឃឹមគ្រាន់តែជាជម្រើស គឺជាជម្រើសនៅក្នុងចិត្តឬគំនិតរបស់ខ្លួនឯង ប៉ុន្តែវាមានឥទ្ធិពល ដ៏ធំធេងក្នុងជីវិត ។ ការគិត ការសម្រេចចិត្ត ឬការកំណត់ទុកនៅក្នុងចិត្ត វាមានរលកហ្វ្រេកង់ ប្រៀបដូចជា រលកវិទ្យុ បង្កើត ស្វែងរក និងបញ្ចេញ ឱ្យចេញជារូបភាពពិតបាន ។ ធាតុពិត នៃអ្វីៗគ្រប់យ៉ាង ផ្ដើមចេញពី របស់ពីយ៉ាង គឺរូប និងថាមពល (រូបធម៌ និងនាមធម៌) បើឱ្យល្អិតជាងហ្នឹងទៅទៀត គឺមានត្រឹមតែជារំញ័រ (vibration) ហើយរំញ័រនេះ ធ្វើឱ្យចេញជារូបនៃអ្វីៗទាំងអស់ដែលយើងអាចមើលឃើញ និងចាប់បាន ។ ការគិត ការសម្រេចចិត្ត ឬការកំណត់ទុកក្នុងចិត្ត វាគឺជាក្ដីសង្ឃឹម ហើយវាគឺមានថាមពល រំញ័រ ដែលនឹងបង្កើតជារូបភាពឡើងមក ហេតុនេះទើប យើងមិនគួរបណ្ដោយឱ្យចិត្តរបស់ទទួលនូវភាពអវិជ្ជមានពីពិភពខាងក្រៅមក ដែលវាមានឥទ្ធិពល គ្របសង្កត់ចិត្តឱ្យមានលក្ខណៈអវិជ្ជមានទៅតាមហ្នឹង ហើយជីវិតក៏នឹងពោរពេញដោយ ភាពអវិជ្ជមាន ។ សរសេរទៅសរសេរមក ជៀសមិនផុតពី បង្ហាញអំពីការគ្រប់គ្រងចិត្តលើកយកមកសរសេរ គឺថា មនុស្សធម្មតា មិនអាចគ្រប់គ្រងចិត្តខ្លួនឯងបានទេ ទាមទារឱ្យមានចំណេះដឹង អំពីខ្លួនឯង ព្យាយាមហ្វឹកហាត់ និងរក្សាសតិឱ្យបានល្អ ជៀសវាងការហូបនូវគ្រឿងស្រវឹង និងសារធាតុញៀនទាំងឡាយដែលធ្វើឱ្យបាត់បង់សតិ ព្រោះមានតែតួសតិមួយ គត់ដែលអាចប្រើយកទៅគ្រប់គ្រងចិត្តបាន ។

សរុបមកវិញ បើជីវិតពិតជារបស់ខ្លួនឯងមែន ត្រឹមតែពាក្យថា “ក្ដីសង្ឃឹម” មិនមានអ្វីពិបាករកទេ ។